Trykk CTRL og "+"
for større tekst
CTRL og "-"
for mindre tekst.
Saemien healsoedåehkie
Saemien healsoedåehkie Rørosesne edtja datnem goh saemien årroje, viehkiehtidh guktie seammavyörtegs dïenesjh åadtjoeh.
[easy-social-share]
Åadtjoeh healsoeviehkiem barkijijstie saemien maahtojne
Saaht magkeres healsoeviehkiem datne daarpesjh, maahta ryöktesth skïemtjesåjhterinie saemien healsoedåehkesne gaskesadtedh. Skïemtjesåjhtere datnem viehkehte reaktoe healsoebarkijh gaavnedh mej sjïere maahtoe saemien gïelen jïh kultuvren bïjre – dåakterejarngesne, skiemtjehïejmine, hïejmedïenesjisnie, healsoestasjovnesne maanide jïh noeride jïh psykiske healsoen jïh geeruvevoeten goevtesisnie.
Datne maahtah gaskesadtedh:
- skïemtjesåjhterinie Rørosen tjïeltesne: tellefovne 47 69 52 09
- skïemtjesåjhterinie St. Olavs Hospitalesne: tellefovne 47 69 52 47
Rørosen dåakterejarngesne saemien dåaktere lea stïeresne 4 aejkieh jaepien 2021/2022.
Soptsestallemefaalenasse maanide, noeride jïh fuelhkide
Gellie fåantoeh man åvteste maanah jïh geerve almetjh mijjem gaskesedtieh. Maahta årrodh ålkolen domtedh, irhkemem dååjredh, haestemh utnedh identiteeten jïh jïjtjeseahkarimmien bïjre. Jallh datne raerieh jïh bïhkedimmiem sïjhth jïjtse jieleden, fuelhkieterapijen jallh eejhtegebïhkedimmien bïjre.
Maahtah oktegh båetedh jallh fuelhkine, voelpine, healsoesåjhterinie, lohkehtæjjine ektine jallh giejnie datne sïjhth.
Ih daarpesjh saehtemem dåaktaristie utnedh. Maahtah ryöktesth mijjem fuelhkieterapeevtem gaskesadtedh.
- Johan Inge Greff, fuelhkieterapeevte jïh skïemtjesåjhtere: tellefovne 47 26 39 79
Faalenasse noeride
Mijjen skïemtjesåjhtere jïh fuelhkieterapeevte lea stïeresne learoehkidie dovne noereskuvlesne jïh jåarhkeskuvlesne fïerhten bearjadahken.
- Rørosen noereskuvle: bearjadahken 8–11.30 (healsoesåjhteren kontovre)
- Rørosen jåarhkeskuvle: bearjadahken 12–15 (healsoesåjhteren kontovre)
Faalenasse båarasåbpojde
- Mijjieh healsoeeevtjije gaavnedimmiem öörnebe saemien båarasåbpojde fïerhten asken.
- Mijjieh aaj saemien beapmoem jurjiehtibie skiemtjehïejmesne jïh hïejmedïenesjisnie
Saemien helasoedåehkien bïjre
Saemien healsoedåehkie lea ektiedahkoeprosjekte gaskem Rørosen tjïelte, St, Olavs hospital jïh Åarjelsaemien healsoeviermie. Mijjieh akte faagi dåaresth dåehkie healsoebarkijigujmie mej maahtoe saemien gïelen, kultuvren jïh healsoen bïjre.
Healsoedåehkie barkijh åtna Rørosen tjïeltesne, SANKS:sne jïh St. Olavs hospitalesne jïh dåehkesne dovne dåaktere, skïemtjesåjhterh, psykiatrijen skïemtjesåjhterh, jurjiehtæjja, jieledeaavoetjåadtjoehtæjja , healsoefaagebarkije. Edtjebe dovne klinihkeles dïenesjh sjugniedidh, viehkine årrodh bïevnesh beagkoehtidh tjïeltide jïh healsoegïehtelimmide, jïh gaskesem tseegkedh tjïeltigujmie jïh sïjtigujmie. Mijjen aaj akte laavenjostoe åarjelsaemien hearrine Åarjelsaemien Åålmegisnie.
Prosjekten visjovne lea saemien årrojh edtjieh faalenassem utnedh hijven healsoeviehkien jïh seammavyörtegs healsoedïenesji bïjre, juktie naemhtie saemien seabradahken båetijem aejkiem hoksedh. Healsoeviehkie edtja jïjtse gïelesne vadtasovvedh jïh saemien kultuvren mietie, mïsse saemien skïemtjijh dovne reaktam utnieh jïh daarpesjieh. Daate edtja saemien seabradahkese psykiske jïh fysiske tryjjem vedtedh, jïh nænnoes saemien seabradahkem hijven healsojne hoksedh.
Healsoedåehkie aaj maahtoelutnjeminie jïh bïevnesebeagkoehtimmine jeatjah tjïeltide jïh healsoegïehtelimmide saemien skïemtjijigujmie barka.
Prosjekte saemien healsoedåehkie vaasa skïereden 2022 raajan.
Lohkh vielie saemien healsoedåehkien bïjre
Lohkh saemien healsoedåehkien prosjektebuerkiestimmiem (PDF)
Saemien healsoedåehkien prosjekteåvtehke lea Anne Lajla Westerfjell Kalstad:
- Tellefovne: 41 33 33 42
- E-påaste: anne.kalstad@roros.kommune.no)
Gaskesadtemebïevnesh
Måanta–bearjadahke ts. 8.00–15.30:
47 69 52 09 – skïemtjesåjhterinie Rørosen tjïeltesnesykepleier
47 69 52 47 – skïemtjesåjhterinie St. Olavs Hospitalesne
E-påaste:
samiskhelseteam@roros.kommune.no
Sosiale medier:
Samisk helseteam på facebook
@samiskhelseteam på instagram
Kurs og utdanning
E-læringskurset: «Sørsamiske forhold og helse»
Et kurs for deg som jobber innen helse- og omsorgsyrker, som gir grunnleggende kunnskap om samiske samfunnsforhold, historie, tverrkulturell kommunikasjon og forståelse. Andre kan også ha nytte av kurset. Les mer om e-læringskurset: «Sørsamiske forhold og helse»