Ohtsh healsoe- jïh hoksedïenesjidie
Daesnie datne ohtsemelåhkoem gaavnh juktie healsoe- jïh hoksedïenesjidie ohtsedh. Datne aaj bïevnesh gaavnh guktie ohtsedh.
Viehkiem daarpesjh? Mijjieh maehtebe datnem viehkiehtidh.
[easy-social-share]
Naemhtie datne ohtsh
Datne tjïelten healsoe- jïh hoksedïenesjh daarpesjh, maahtah digitaale ohtsedh HelsaMi:en tjïrrh. Datne aaj maahtah ohtsemelåhkoem paehperisnie provhkedh. Datne maahtah ohtsedh goh datne, jallh goh pårørende.
Naemhtie datne digitaale ohtsh HelsaMi:sne
Tjaangh HelsaMi:se jïh veeljh «Kommunale helsetjenester» menyjesne. Veeljh «Røros» jïh vaestedh båetije gyjhtelasside. Gosse diekie båatah «Hva gjelder din henvendelse», veeljh «Forvaltningskontoret».
Gåaroes lissesne datne buerkesth maam tuhtjh geerve dov arkebiejjien. Vuesiehtimmien gaavhtan funksjovnedaltesem buerkiestidh.
Mijjieh dov bïevnesem gïetedallebe goh ohtseme. HelsaMi:sne maahtah dov ohtsemem fulkesidh, jïh aaj ohtsemen staatusem vuajnah.
Naemhtie datne paehperisnie ohtsh
Rïhpesth jïh tjaelieh olkese ohtsemem healsoe-jïh hoksedïenesjh (pdf) paehperisnie. Tjaelieh paehperisnie jïh seedth diekie: Forvaltningskontoret, Øverhagaen 7, 7374 Røros.
Datne aaj maahtah ohtsemem pdf-fijlese skannedh, jïh seedth e-påastese: postmottak@roros.kommune.no
Gïetedalleme jïh ohtsemen vaestiedasse
Gosse mijjieh dov ohtsemem HelsaMi:sne jallh paehperisnie åådtjeme, ussjedibie magkerh dïenesjh sjyöhtehke dutnjien. Såemies aejkien datnine soptsestibie. Dellie mijjieh mobijletjåanghkoem jallh hïejmeguessiem soejkesjibie guktie dov daerpiesvoetem goerehtalledh.
- Gaajhkide ohtsemidie healsoe-jïh hoksen njoelkedassi mietie gïetedallebe.
- Gosse mijjieh ohtsemem gïetedalleme, datne mieriedimmiem åadtjoeh. Mieriedimmesne vuajnah magkeres dïenesje datne åadtjoeh.
- Datne mieriedimmiem prievesne åadtjoeh. Mijjieh prieviem digitaale seedtebe, Altinn:sne jallh Digipost:sne. Jis ih buektehth digitaale prieviem lohkedh, prieviem påastesne seedtebe. Jis datne HelsaMi:en tjïrrh ohtsih, aaj maahtah vaestiedassem desnie lohkedh.
Mïsse maahtah ohtsedh?
Daesnie maahtah vielie mijjen healsoe- jïh hoksedïenesji bïjre lohkedh:
Mieriedimmiem klååkedh?
Datne gïe dïenesjh tjïelteste åadtjoeh lea reakta mieriedimmiem healsoe- jïh hoksedïenesjistie klååkedh. Datne maahtah mieriedimmien sisvegem klååkedh. Datne tjoerh tjaaleldh laejhtemem reeremekontovrese Rossen tjïeltesne seedtedh.
Laakh jïh njoelkedassh
Reeremekontovren bïjre
Reeremekontovre lea dov gaskesesijjie gaajhkide gyjhtelasside tjïelten healsoe-jïh hoksedïenesjidie. Mijjieh bïevnesh jïh bïhkedimmie dutnjien vedtebe, jïh datnem viehkiehtibie dïenesjidie ohtsedh.
Forvaltningskontoret er koordinerende enhet for habilitering og rehabilitering, individuell plan og koordinator. Vi har ansvaret for at du som har behov for langvarige og koordinerte tjenester, opplever helhet og sammenheng i tjenestene.
Rïngkh mijjese jallh båetieh
Tellefovne: 98 90 03 13
Tellefovne gaahpode fïerhten arkebiejjien 9–15
Påastesijjie:
Øverhagaen 7
7374 Røros