Du er her:
Forside » Helse og omsorg » Healsoestasjovne » Healsoestasjovne noeride
Healsoestasjovne noeride
Datne gie 12 jïh 20 jaepiej gaskesne jïh Rossen tjïeltesne årroeminie, maahtah viehkiem healsostasjovnesne noeride åadtjodh. Daate aaj dutnjien gie lohkeminie, jallh leah learohkhe jïh gåetiem löönh.
Datne aaj maahtah viehkiem healsoesåjhteri luvnie skuvline åadtjodh; Praahkan, Kloemegen jïh Plaassjan skuvle, jïh Plaassjan jåarhkeskuvle
[easy-social-share]
Magkeres viehkie datne åadtjoeh?
Dov naanh gyjhtelassh jallh daarpesjh naakenigujmie soptsestidh? Båetieh mijjen gåajkoe. Mijjen leah sjaevehtsvoetedïedte jïh nuepie namhtah.
Healsoestasjovnesne maahtah healsoesåjhterinie jïh dåakterinie soptsestidh. Skuvline healsoesåjhterh datnem viehkiehtieh.
Datne maahtah raerieh, bïhkedimmieh, pryövenassh jïh gïetedallemh åadtjodh.
Daejnie maehtebe datnem viehkiehtidh
Daesnie naanh vuesiehtimmien gaavhtan:
- prevensjovne jïh guktie seksuelle skïemtjelassi vööste baarhtestehtedh
- Seksuelle skïemtjelassh. Mijjieh goerehtibie mejtie dov leah klamydia, kjønnsvorter, herpes jïh jienebh. Dan mænngan mijjieh skïemtjelasside gïetedalleme.
- Gyjhtelassh seksualiteeten, seksuelle legningen jïh gearoemisnien bïjre
- Båavhroeh
- Psykiske jïh fysiske healsoe
- Ovmessie dåeriesmoerh noeride
- Beapmoesturreme
- Geeruve-tsagkese.
- Göökte kultuvrine byjjenidh.
- Irhkeme, dåeriesmoerh gåetesne, skuvlesne jallh voelpigujmie.
Jis datne skïemtjes jïh vïhtesjimmiem daarpesjh, dellie datne tjoerh dåaktarasse vuelkedh.
Drop-in jïh guktie tæjmoeh dangkodh
Healsoestasjovne noeride mijjieh drop-in utnebe, jïh datne maahtah tæjmoeh dangkodh.
- Drop-in fïerhten måantan ts. 14-16. Healsoesåjhtere jïh dåaktere healsoestasjovnesne.
- Datne aaj maahtah tæjmoem dangkodh åvelen mijjen gåajkoe båatah. Dellie datne daajrah gåessie edtjh båetedh, jïh ih daarpesjh vuertedh tæjmoem åadtjodh.
Naemhtie datne tæjmoem HelsaMi-appesne dangkoeh
Åvtelen datne 16 jaepien båeries sjïdth, maahtah tæjmoeh dangkodh mijjen gaskeviermiesæjrosne:
- Dïebtjestehtieh “timebestilling for ungdom” jïh darjoeh maam sæjrosne tjåådtje.
- Datne tjoerh mujhtieh gåessie dov tæjmoe lea.
Mænngan datne 16 jaepien båeries sjïdth, datne maahtah tæjmoeh dangkodh HelsaMi:sne:
- Rïhpesth mobijleappem, jïh tjaangh appese dov BankID’ine.
- Dïebtjestehtieh «Timeavtaler og besøk» jïh «Bestill time».
- Dïebtjestehtieh «Finn ny behandler», veeljh «Helsestasjon» jïh «Røros helsestasjon for ungdom».
- Dïebtjestehtieh «ja». Dellie datne nænnosth datne 12 jïh 20 jaepiej gaskesne.
- Veeljh gåassie sjeahta dutnjien.
- Minngemes datne tjaalah man bïjre sïjhth soptsestidh, jïh dïebtjestehtieh «Bestill».
- Gosse datne e-påastem mijjeste åadtjoeh, datne tæjmoem åådtjeme.
Datne maahtah HelsaMi-appem dov mobijlesne veedtjedh. Datne aaj maahtah HelsaMi’se gaskeviermien tjïrrh båetedh, jallh appem nedtepreejresne jïh daatovresne gaavnedh: helseplattformen.no/helsami/
Healsoesåjhteri luvnie skuvline datne maahtah viehkiem healsoesåjhteristie åadtjodh. Daesnie maahtah drop-in båetedh ts. 9-14:
- Kloemegen skuvle, duarsta paarrevåhkosne
- Praahkan skuvlesne, duarsta paarrevåhkosne
- Plaassjan skuvle, onnedaltese (1.-4. daltese): Måanta, gaskevåhkoe jïh duarsta
- Plaassjan skuvle, gaskedaltese (5.-7. daltese): Måanta, dæjsta, bearjadahke
- Plaassjan skuvle, noeredaltese (8.-10. daltese): måanta, gaskevåhkoe, bearjadahke
Plaassjen jåarhkeskuvle: måanta, gaskevåhkoe, duarsta
Tjaelieh jallh soptsesth mijjese
Healsoestasjovne noeride
Øverhagaen 7, Plaassja
Tlf.: 72 41 94 95
Healsoesåjhterh skuvline:
- Kloemegen skuvle
Tlf.: 915 73 860 - Praahkan skuvle
Tlf.: 91573860 - Plaassjan skuvle, noeredaltese
Tlf.: 959 15 386 - Plaassjan skuvle, gaskedaltese
Tlf.: 915 73 860 - Plaassjan jåarhkeskuvle
Tlf.: 977 16 941