Blog

Aktuelt, Koronavirus, Nyheter

Orre koronavijruse (Covid-19)

Illustrasjonsbilde for samisk informasjon om korona. Vihkeles bïevnesh koronavijrusen bïjre

Orre koronavijruse (Covid-19)

Jïjnje tsåatskelesvoete dan orre koronavijrusen bïjre. Sïejhmemes skïemtjelasse Covid-19 ajve lijnies vaejvieh vadta. Såemies almetjh, joekoen båarasåbpoe almetjh jallh dah mah leah skïemtjes aarebistie, maehtieh joekoen skïemtjine sjïdtedh. Dan åvteste vihkeles gaajhkesh dovnesh viehkiehtieh suetiegeerjehtimmiem siebriedahkesne heerredh.

Jis suetiem åådtjeme maahta 0 – 14 biejjieh vaesedh åvtelen symptomh åadtjoeh. Sïejhmemes 5 – 6 biejjieh vaesieh. Datne maahtah mubpieh almetjh jeenjemes laanestidh mearan symptomh åtnah. Vaejlie, gossehtahke jïh hïeteme leah doh sïejhmemes symptomh. Naan gille almetjh gåbloe-ovlemem åadtjoeh jïh dåeriesmoerh åadtjoeh voejngehtidh jallh jeatjah itjmies skïemtjelassem åadtjodh.

Dam edtjh darjodh juktie suetiem heerredidh:

Dabpenh jovnesh!

  • Årroeh gåetesne jis skïemtjes domth.
  • Årroeh gåetesne jis bïevnesem åådtjeme dan bïjre (karanteenesne jallh isolasjovnesne).
  • Pryövh aktem meeteren gåhkoem hööltedh jeatjah almetjidie  – jis gåarede.

Bïssh gïetide!

  • Bïssh gïetide daamtaj jïh veelelaakan
    • gosse ålkone orreme almetji gaskem
    • gosse onnegåetesne orreme
    • gosse gosseme, gesneme jallh snovsedamme
    • gosse edtjh beapmoem jurjiehtidh jallh byöpmedidh
  • Jis ih tjoelem jallh tjaetsiem utnieh maahtah desinfeksjovnevierhtiem nuhtjedh

Vuesehth raajnesvoetem gosse gossh!

  • Baajh årrodh gossedh jallh gesnedh mubpide
  • Gossh låammelijnien sïjse paehpieristie maam mænngan sleengkh. Bïssh gïetide mænngan!
  • Jis dov ij leah låammelijnie paehpieristie byörh gernjeregaevien sïjse gossedh.

Jis vïenhth datne leah laanestamme:

  • Jis sovmh datne leah laanestamme, edtjh gåetesne årrodh.
  • Jis medisijnen viehkiem daarpesjh pryövh voestegh dov staeriesdåakterem gaskesadtedh tellefovnesne. Jis ih dam jaksh, ringkh dåakterevaeptien tellefovnese 116 117.

Lohkh orrestamme bïevnesh

  • Åejvieladtjh gaajhkesidie birrie mah Nöörjesne årroeh vihkeles bïevnesh jïh raerieh lohkedh koronavijrusen bïjre sæjrosne fhi.no jïh www.helsenorge.no. Raerieh varke jorkesieh. Bïevnesh nöörjen jïh eengelsken gïelesne gååvnesieh. Jis dov leah dåeriesmoerh bïevnesidie guarkedh, mijjieh datnem haestebe naakenem viehkien bïjre birredh.

 

X